Author: national forum

नॅशनल फोरम/पुणे/दि/ प्रतिनिधी/पुणे शहराच्या मध्यवर्ती भागातील फरासखाना व खडक पोलीस स्टेशन हद्दीत दुचाकी वाहन चोरीच्या घटना घडून गुन्हे दाखल करण्यात आले होते. या वाहन चोरी प्रकरणी दरोडा व वाहनचोरी विरोधी पथक 1 कडील पोलीस अंमलदार तपास करीत होते. दरम्यान फरासखाना पोलीस स्टेशन हद्दीतील वाहन चोरीबाबत आरोपींचा शोध घेत असतांना, गोकुळ नगर कात्रज येथील वाहन चोरटयाचा तपास लागला. गुन्ह्याची हकीकत अशी की,फरासखाना पोलीस स्टेशन हद्दीतील वाहन चोरीचा शोध दरोडा-वाहनचोरी पथक, संबंधित गुन्हा दाखल झालेपासून सीसीटीव्ही फुटेज चेक करीत होते. सीसीटीव्ही फुटेजच्या आधारे माहीती प्राप्त झाली की, सदर गुन्ह्यातील वाहनचोरी करणारा संशयित इसम हा गोकुळनगर, कात्रज या परीसरात फिरत आहे. सदरची माहीती पोलीस निरीक्षक, दरोडा व वाहनचोरी विरोधी पथक 1 वर्षा देशमुख यांना कळविली असता त्यांनी सदर ठिकाणी जावुन खात्री करुन योग्य त...