punemanapa - National Forum

Jun192026 by national forumNo Comments

PMC- PUNE- झाडणकामांच्या कंत्राटी कामगार भरतीमध्ये सुपणारकडून कोट्यवधी रुपयांचा गैरव्यवहार, राज्य महिला आयोगाच्या अध्यक्षा रूपाली चाकणकरांच्या तक्रार अर्जावर तीनही उपआयुक्तांनी सुपणारला कशी दिली क्लिनचिट….?

नॅशनल फोरम/पुणे/दि/ प्रतिनिधी/मागील 15 दिवसात, पुणे महापालिकेची मुख्य इमारत आणि पुणे शहरातून प्रसारित होणाऱ्या सर्व मोठ्या वृत्तपत्रात एकच बातमी सतत फिरत आहे, आणि ती म्हणजे उरूळी देवाची येथे घनकचऱ्यावर प्रक्रिया करणाऱ्या 500 मेट्रीक टनाच्या प्रकल्पात 300 मे.टन ओला आणि 200 मे. टन सुका कचऱ्यासाठी स्वतंत्र निविदा काढण्याची बातमी सतत फिरत आहे. तसेच पुणे महापालिकेच्या दक्षता विभागाने देखील एकाच निविदेला आक्षेप घेतल्यानंतरही प्रशासनाकडून केवळ एकाच ठेकेदाराला डोळयासमोर ठेवून ही निविदा काढली जात असल्याचा आरोप काँग्रेसचे नगरसेवक अरविंद शिंदे यांनी केला आहे, याशिवाय विविध पर्यावरणवादी संघटनांनी देखील एकाच निविदेवर प्रश्नचिन्ह उपस्थित केले आहेत. तरी देखील एकाच ठेकेदारासाठी पुणे महापालिकेची यंत्रणा राबत असल्याचे वृत्तपत्रातील बातम्यातून झळकत आहे. सर्वसामान्य नागरीक घरातील,दुकानातील, इंडस्ट्रीमधील कचरा...

Jun152026 by national forumNo Comments

पुणे महापालिकेत बदलीचा अधिनियम केवळ काही कर्मचाऱ्यांना लागु होत नाही…आशिष सुपणार 15 वर्षात एकदाही बदली नाही…. डीएसआय माने व नाईक यांची 2 वर्षात 3 वेळा बदली

सर्व साधारण

नॅशनल फोरम/पुणे/दि/ प्रतिनिधी/पुणे महानगरपालिकेच्या घनकचरा विभागात मागील 12 ते 15 वर्षात 20 हजार कोटींचा गार्बेज स्कॅम घडला व आजही घडत आहे. कचरा म्हंटल की, सगळेच नाक मुरडतात त्यामुळे कचराच असल्यामुळे सहज कुणाचेही लक्ष जात नाही. त्याच कचऱ्याने आता पेट घेतला असून, हा वणवा 20 हजार कोटीपर्यंत गेला आहे. तेलगी स्कॅम हा 30 हजार कोटींचा, तो देखील पुण्यात उघडकीस आला, तसाच पुण्यातही गार्बेज स्कॅम घडला आहे. बारामतीतील नेतृत्वाच्या छत्रछायेखाली असलेल्या नेत्यांनी कचऱ्याचे महत्व ओळखले आणि पटापट सगळे प्रकल्प गिळंकृत केले. (ज्यांनी धरणातील आणि कॅनॉलमधील गाळही सोडला नाही, ते कचरा तरी कसे सोडतील..) कचरा वाहतुकीत पुणे मनपाची वाहने कमी परंतु खाजगी कंत्राटदारांचीच जास्त वाहने अभिलेखावर आढळुन येतील. त्यांच्या कचऱ्याच्या फेऱ्याही पुणे मनपापेक्षा तीनपट अधिक असल्याचे अभिलेख्यावरून दिसून येते. गार्डन कटींग मध्ये त...

Jun82026 by national forumNo Comments

पुणे महापालिकेच्या घनकचरा विभागात एसआय आणि डिएसआयच्या बदल्यांचे सुडचक्र?

सर्व साधारण

नॅशनल फोरम/पुणे/दि/ प्रतिनिधी/पुणे शहरात स्वच्छ सर्व्हेक्षण अभियान व राष्ट्रीय जनगणनेचे काम सुरू आहे. पुणे महापालिकेतील प्रत्येक कर्मचाऱ्याला जनगणनेचे काम दिले आहे, तसेच घनकचरा विभागातील मोकादम, आरोग्य निरीक्षक व वरिष्ठ आरोग्य निरीक्षक यांना राष्ट्रीय जनगणना व स्वच्छ सर्व्हेक्षण अभियान अशी दोन्ही कामे देण्यात आली आहे. त्यात पुणे महापालिकेचे अतिरिक्त आयुक्त श्री. प्रजित नायर यांनी शुक्रवार दि. 5 जुन 2026 रोजी वरिष्ठ आरोग्य निरीक्षक व आरोग्य निरीक्षकांच्या बदल्यांचे आदेश जारी केले आहेत. दरम्यान पुणे महापालिकेचे आयुक्त श्री. नवल किशोर राम यांनी स्वच्छ सर्व्हेक्षण अभियान काळात कोणत्याही कर्मचाऱ्यांच्या बदल्या करू नयेत असे आदेश देण्यात आले होते. तसेच राज्य शासनाने देखील जनगणना काळात कोणत्याही कर्मचाऱ्यांच्या बदल्या करू नयेत अशा सुचना व शासन निर्णय जारी केलेला आहे. शासनाचे आदेश व आयुक्तांचे निर्...

Feb62026 by national forumNo Comments

येरवड्यातील जुन्या इमारतीवरील हॉर्डींगच्या सांगड्यामुळे नागरीकांच्या जिविताला धोका, आकाशचिन्ह विभागातील निरीक्षकांच्या बेफिकीरीचा नमूना

शासन यंत्रणा

नॅशनल फोरम/पुणे/दि/ प्रतिनिधी/येरवडा येथील स.नं. 24 प्रफुल्ल निवास या अतिशय जिर्ण व जुन्या इमारतीवर टार्गेट ॲडव्हरटायझिंग यांचे होर्डींग असून मागील दोन वर्षांपासून त्याचे नुतनीकरण करण्यात आले नाही. जुन्या इमारतींमुळे त्याला परवानगी नाकारण्यात आली असली तरी त्यावरील कपड्याचे बॅनर काढण्यात आले असले तरी हजारो किलोचा लोखंडाचा सांगाडा जागेवरच ठेवण्यात आलेला आहे. यामुळे स्थानिक नागरीकांच्या जिवीताला धोका निर्माण झालेला असतांना देखील पुणे महापालिकेच्या आकाशचिन्ह विभागाच्या निरीक्षकांनी कारवाईकडे साफ दुर्लक्ष केले असून त्यांच्या बेफिकीरीचा नमूना समोर आलेला आहे. येरवडा गावठातील प्रफुल्ल निवास या जुन्या इमारतीवरील होर्डींगला परवानगी नाकारल्यामुळे त्यावरील निव्वळ कापड काढण्यात आले असले तरी लोखंडी सांगाडा आहे तसाच ठेवण्यात आल्याची तक्रार माहिती अधिकार कार्यकर्ते रामभाऊ फुगे यांनी 13 नोव्हेंबर 2023 र...

Feb62026 by national forumNo Comments

पुणे महापालिका बांधकाम विभागाच्या धानोरीतील अभियंत्यांचे अनाधिकृत बांधकामाकडे साफ दुर्लक्ष !

शासन यंत्रणा

आधी बांधकाम पूर्ण होऊ दयायचे, मागाहून नोटीसा देऊन सेटलमेंट करण्याच्या धोरणामुळे पुणे शहरात अनधिकृत बांधकामाचे पेव फुटले नॅशनल फोरम/पुणे/दि/ प्रतिनिधी/पुणे महानगरपालिकेच्या हद्दीतील उपनगरांमध्ये अनाधिकृत बांधकामांना पेव फुटले आहे. जुनी बांधकामे पाडून त्यावर तीन/चार मजल्यांची बांधकामे सर्रास होत आहेत. तरी देखील बांधकाम विभागाचे अभियंता अनाधिकृत बांधकामांवर कारवाई करीत नाहीत. थोडक्यात आधी अनाधिकृत बांधकाम पूर्ण होऊ दयायचे आणि मागाहून नोटीसा देवून सेटलमेंट करण्याच्या वृत्तीमुळे पुणे शहरात अनाधिकृत बांधकाम करणारांनी उच्छाद मांडला आहे. धानोरी अभियंत्याच्या कार्यक्षेत्रातील टिंगरे नगरमध्ये देखील अनेक अनाधिकृत बांधकामे सुरू आहेत. काही व्यक्ती व संस्थांनी तक्रार अर्ज देवून अधिकाऱ्यांचे लक्ष वेधण्यात आले आहे, तरी देखील नोटीसा किंवा कारवाई केली जात नसल्याचे आजचे चित्र आहे. एअरपोर्ट रोडवरील टिंग...

Feb12026 by national forumNo Comments

पुणे महापालिका कर्मचारी वसाहतीतील अनधिकृत बांधकामावर क्षेत्रिय कार्यालयाने कारवाई करावी- अति. आयुक्त

शासन यंत्रणा

नॅशनल फोरम/पुणे/दि/पुणे महानगरपालिका चाळ विभागाच्या एकूण 30 मनपा व बिगर मनपा वसाहती असून सदरच्या वसाहतीमध्ये एकूण 3 हजार 459 सदनिका आहेत. मात्र या वसाहतीमध्ये अनाधिकृत बांधकाम व अतिक्रमण होत असल्याच्या तक्रारी आल्या आहेत. या पार्श्वभूमीवर क्षेत्रिय कार्यालयांनी थेट कारवाई करण्याचे आदेश अतिरिक्त आयुक्त ओमप्रकाश दिवटे यांनी दिले आहेत. सदनिका वाटप समिती उपविधी 2011 नुसार मनपा वसाहतीमधील वर्ग 1 ते 4 मधील मनपा सेवकांना सदनिका वाटप करण्यात येत आहेत. मनपा सेवकांच्या दरमहाच्या वेतनातून त्यांना देय असलेले घरभाडे कपात केली जाते. तसेच पुणे महानगरपालिकेच्या चतुर्थ श्रेणीतील घाण भत्ता देय असणाऱ्या सेवकांच्या त्यांच्या सेवानिवृत्ती ऐडीक सेवानिवृत्ती व मयत या कारणाने त्यांच्या वारसांची त्यांच्या जागी नियुक्ती झाल्यानंतर सदरची सदनिका वारसांच्या नावे हस्तांतरण करणे. तसेच सेवानिवृत्ती ऐच्छीक सेवानिवृत्ती...

Jan302026 by national forumNo Comments

पुणे महापालिका शहर अभियंत्याच्या सेवानिवृत्ती कार्यक्रमासाठी प्रत्येकी एक लाख रूपयांचे नियोजन, पण… दुर्देव… शासकीय दुखवटा असल्याने सेवानिवृत्ती कार्यक्रम बारगळा !

सर्व साधारण

नॅशनल फोरम/पुणे/दि/ प्रतिनिधी/पुणे महानगरपालिकेचे शहर अभियंता प्रशांत वाघमारे हे येत्या शनिवारी म्हणजे 31 जानेवारी 2026 रोजी सेवानिवृत्त होत आहेत. त्यांच्या सन्मानार्थ होणाऱ्या कार्यक्रमासाठी, पुणे महापालिकेच्या बांधकाम विभागातील काही अतिउत्साही अभियंत्यांनी, प्रत्येकी एक लाख रुपये वर्गणी काढावी असा सुर आळविण्याचे काम मागील काही दिवसात सुरू होते. दरम्यान हॉल व लॉन बुक झाले, जेवणावळीचा मेनूही ठरला होता. दरम्यान प्रत्येकी एक लाखाचे टारर्गेट काही पूर्ण झाले नव्हते. काहींनी बळजबरीने एक/एक लाख रुपये दिलेही होते. दरम्यान गुरूवार दि. 28 जानेवारी रोजी राज्याचे उपमुख्यमंत्री अजितदादा पवार यांचे आकस्मित निधनामुळे राज्यात तीन दिवसांचा दुखवटा जाहीर करून, कोणतेही शासकीय कार्यक्रम करण्यास बंदी आदेश जारी झाला. त्यामुळे पुणे महापालिकेतील कित्येक अभियंत्यांनी सुटकेचा निःश्वास सोडला असल्याचे वृत्त आहे. क...

Jan272026 by national forumNo Comments

वारजे कर्वेनगर क्षेत्रिय कार्यालय हद्दीत दरदिवशी 80 मे.टन ओला कचरा येतो तरी कुठून….?कसा होणार … नवल किशोर रामांच्या स्वच्छतेचा पुणे पॅटर्न…?

सर्व साधारण

नॅशननल फोरम/पुणे/दि/ अनिरूद्ध शालन चव्हाण/पुणे महानगरपालिकेचे आयुक्त नवलकिशोर राम आणि अति. आयुक्त पवनित कौर यांनी पुणे शहराला स्वच्छतेत टॉप स्थानावर ठेवण्यासाठी व देशात पुणे शहर हेच स्वच्छतेचा पॅटर्न म्हणून ओळखला जाईल यासाठी दिवसरात्र प्रयत्न करीत आहेत. आयुक्त आणि अति. आयुक्त यांच्या कार्यालयात घनकचरा विभागाच्या बैठकांवर बैठकांचे सत्र सुरू असते. क्षेत्रिय कार्यालय स्तरावर कार्यरत असणारे घनकचरा विभागाकडून येणाऱ्या अडचणी तत्काळ सोडविल्या जात आहेत. कचऱ्यासाठी किंवा कचऱ्याच्या वाहतुकीसाठी वाहने कमी पडत आहेत असा बैठकीत सुरू आल्यानंतर, आयुक्तांनी तत्काळ भाडे तत्वावर लहान वाहने घेण्याचा निर्णय घेवून 24 तासात 48 कोटी रुपयांची तरतुद करण्यात आली. घनकचरा विभागाचा एकही शब्द आयुक्त किंवा अतिरिक्त आयुक्त खाली पडू देत नाहीत. पुणे शहर स्वच्छ ठेवण्यासाठी आयुक्त कार्यालय कमालिचे दक्ष झालेले असतांना, वारजे क...

Jan172026 by national forumNo Comments

पुण्यात राष्ट्रवादी काँग्रेसच्या काका-पुतण्यासह, काँग्रेस-मनसे-ठाकरे सेनेच्या युतीला पुणेकरांनी दाखविला कात्रजचा घाट

सर्व साधारण

काँग्रेसला 15 तर शिंदेसेना व मनसेला भोपळाही फोडता आला नाही, बारामती पार्टी 26+3काँग्रेसला वंचितची मते हवीत परंतु उमेदवार नको म्हणणाऱ्यांना पुरोगामी आंबेडकरी जनतेचा जोर का झटका नॅशनल फोरम/पुणे/दि/ प्रतिनिधी/पुणे महानगरपालिकेच्या सार्वत्रिक निवडणूकीत भाजपाने एकहाती सत्ता खेचून आणली आहे. भाजपा-आठवले गटाने 120 जागा पदरात पाडून, आम्हाला आता कोणत्याही पक्षाची गरज नसल्याचे भाजपाने दाखवुन दिले आहे. तिकडे निवडणुकीच्या तोंडावर दोन राष्ट्रवादी एकत्र आणून निवडणुकीसाठी सामोरे गेलेल्या उपमुख्यमंत्री अजित पवार आणि शरद पवारांच्या राष्ट्रवादीची पुणे आणि पिंपरी चिंचवडमध्ये अक्षरशः धुळदाण उडाली आहे. पुण्यामध्ये मोठा बोलबाला करूनही तसेच साम,दाम,दंड भेद नितीचा वापर करूनही अजित पवारांच्या हाती नेमकं लागलं तरी काय हे आत्तापर्यंतच्या मनसुब्यातून विचारणा करण्याची वेळ आली आहे. शरद पवार 3 तर अजित पवार गटाला 26 जा...

Dec272025 by national forumNo Comments

धनकवडी-सहकारनगर क्षेत्रिय कार्यालयात लोकशाहीचा महाउत्सव, पुणे महानगरपालिका सार्वत्रिक निवडणूक-2025

सर्व साधारण

नॅशनल फोरम/पुणे/दि/ श्रीनाथ चव्हाण/पुणे महानगरपालिकेच्या सार्वत्रिक निवडणूकांची रणधुमाळी सुरू आहे. राजकीय पक्षांचे नेते एका पक्षातून दुसऱ्या पक्षात उड्या मारत आहेत. तर काही भावी इच्छुक उमेदवार कोणती आघाडी कशी होते याची वाट पाहत वेट ॲन्ड वॉचच्या भूमिकेत वावरत आहेत. परंतु पुणे महापालिकेच्या धनकवडी सहकारनगर क्षेत्रिय कार्यालयाच्या सहायक महापालिका आयुक्त श्रीमती सुरखा भणगे यांनी सार्वत्रिक निवडणूकीची जय्यत तयारी सुरू केली आहे. भावी नगरसेवकांच्या सुविधेसाठी निवडणूक निर्णय अधिकाऱ्यांच्या निर्देशानुसार सर्व कक्ष कार्यान्वित करण्यात आले आहेत. संपूर्ण धनकवडी सहकारनगर क्षेत्रिय कार्यालयाच्या प्रांगणात भव्य-दिव्य मंडपाची उभारणी केली असून, जसे काय एखाद्या केंद्रीय मंत्र्याच्या वा राजकीय नेत्याच्या मुला-मुलीच्या विवाहाची तयारी आहे की काय असा भास होत आहे. सर्वत्र एखाद्या विवाहासारखी लगबग सुरू आहे. खऱ्या...