Friday, April 4 पुण्यातील अग्रगण्य ई-वृत्तवाहिनी !

पोलीस क्राइम

Police Crime News in Pune

घरफोडीच्या गुन्ह्यातील अट्टल गुन्हेगारास सहकारनगर पोलीसांनी केले ४८ तासात जेरबंद

घरफोडीच्या गुन्ह्यातील अट्टल गुन्हेगारास सहकारनगर पोलीसांनी केले ४८ तासात जेरबंद

पोलीस क्राइम
पुणे/दि/ प्रतिनिधी/अट्टल गुन्हेगार हा नेमका कसा असतो हे सहकारनगर पोलीस स्टेशनच्या कार्यक्षेत्रातील धनकवडी येथील घरफोडी प्रकरणांवरून दिसून येते. धनकवडी येथील राजमुद्र सोसायटीत पाच लाख रुपयांची घरफोडी करून, त्याचा कोणताही आणि कसल्याही प्रकारचा पुरावा मागे न ठेवता त्याने घरफोडी केली होती. त्यामुळे घरफोडी ज्या पद्धतीने केली आहे त्याचा मागोवा घेत असतांना, थोडक्यात घरफोडी करतांना चोरट्याने वापरलेल्या मोडसवरून अशा प्रकारचा गुन्हा हा एखादया सरावलेल्या गुन्हेगाराने केलेला असावा असा संशय बळावला. मग सहकार नगर पोलीसांनी, पोलीसी खाक्या पद्धतीने तपास सुरू केला आणि ४८ तासाच्या आतच खरा गुन्हेगार पोलीसांच्या हाती लागला. गुन्ह्याची खबरबात अशी की, सहकारनगर पोलीस स्टेशनच्या कार्यक्षेत्रातील धनकवडीतील राजमुद्रा सोसायटीमध्ये २२ जुन रोजी दुपारच्या वेळी एका अज्ञात चोरट्याने घरफोडी करून घरातील पाच लाख रुपये चोर...
वाहनचालकांच्या डोळ्यात मिरची पुड टाकुन लुटमार करणार्‍या टोळीला, भारती विद्यापीठ पोलीसांनी केले जेरबंद,  भारती विद्यापीठाचे पोलीस अंमलदार आकाश फासगे यांची कामगिरी

वाहनचालकांच्या डोळ्यात मिरची पुड टाकुन लुटमार करणार्‍या टोळीला, भारती विद्यापीठ पोलीसांनी केले जेरबंद, भारती विद्यापीठाचे पोलीस अंमलदार आकाश फासगे यांची कामगिरी

पोलीस क्राइम
पुणे/दि/ प्रतिनिधी/पोलीस यंत्रणा जितक्या सक्षम असतील, तितकेच गुन्हेगारीवर नियंत्रण आणणे शक्य असते. पोलीस स्टेशन हद्दीतील सरावलेले गुन्हेगार आणि पोलीस स्टेशन हद्दीबाहेरील गुन्हेगार यांच्या कृत्यांवर सातत्याने बारकाईन नजर ठेवल्यास, गुन्हेगारीचा बिमोड करणे अशक्य नाही. अगदी अशाच पद्धतीनं भारती विदयापीठ पोलीसांनी गुन्हेगारांच्या कृत्यांवर बारकाईने नजर ठेवून, वाहनचालकांना अडवुन त्यांना लुटणार्‍या टोळीचा पर्दाफाश केला आहे. भारती विद्यापीठ पोलीस स्टेशन हद्दीतील पुणे सातारा रोडवरील कात्रज येथील हिल हॉटेल समोर उमेर अन्सारी, नोमेन अस्लम खान, आशरूफ शेख, जैद जमीर दलाल व एक अनोळखी इसमाने दरोडा टाकण्याच्या इरादयाने आणि वाहन चालकांना अडवून लुटण्याच्या तयारी सोबत तलवारी आणि मिरची पुड हे दुचाकीवरून घेवून, घातक शस्त्रांचा धाक दाखवुन वाहने चोरून नेण्याचा प्रयत्न केला होता.या गुन्हयाचा तपास भारती विदयापीठ प...
मार्च एंडला- शहर पोलीसांना धरले ओलीस

मार्च एंडला- शहर पोलीसांना धरले ओलीस

पोलीस क्राइम
पुणे/दि/ प्रतिनिधी/मागील वर्षीचा मार्च २०२० ते चालु वर्षातील मार्च २०२१ या एक वर्षाच्या कालावधीत राज्याच्या तिजोरीत ठणठणाट झाल्याची बोंब सध्या सुरू आहे. जीएसटीची रक्कम केंद्र सरकारने दिली नसल्यामुळे विकास कामांवर विपरीत परिणाम झाल्याचेही बोलले जात आहे. आपल्या गटारी आमावस्सेला जशी कोंबड्या बकर्‍यांवर जिवावार येत तसं आता मार्च एंड ला पोलीसांना ओलीस धरले असल्याची चर्चा आहे. त्यामुळे महसुल गोळा करण्यासाठी सर्वसामान्य नागरीकांच्या शिव्या शापांचे धनी मात्र पोलीसांना व्हावे लागत आहे. त्यातल्या त्यात वाहतुक शाखेला तर धारेवर धरले असल्याचे समजते. दरवर्षी मार्च एंडला सर्वच प्रकारच्या कारवाया अधिक प्रमाणात होतात असा अनुभव आहे. परंतु यावर्षी अधिक जाणवत आहे. प्रत्येक चौका चौकात, हेल्मेट नाही.. गाडी बाजूला घे, मास्क नाही… गाडी बाजूला घे, मास्क हनवटीवर होता… गाडी बाजूला घे, गाडीला साईड आरसा नाही… गाडी ...
पुण्यातील गुन्हेगारी टोळ्यांवर मोक्का अंतर्गत कारवाई, राजकीय पाठबळ, सत्तेची हवा आणि पैशाचा माज, गुन्हेगारी अधिक वाढवित आहे

पुण्यातील गुन्हेगारी टोळ्यांवर मोक्का अंतर्गत कारवाई, राजकीय पाठबळ, सत्तेची हवा आणि पैशाचा माज, गुन्हेगारी अधिक वाढवित आहे

पोलीस क्राइम
पुणे/दि/ अनिरूद्ध शालन चव्हाण/पुण्यात दोन वरून ३५ वर आणि ३५ वरून २०२१ मध्ये हीच गुन्हेगारी टोळ्यांची संख्या दिडशे ते २०० च्या आसपास आलेली आहे. एका टोळीतून दुसरी टोळी आणि दुसरीतून तिसरी टोळी निर्माण झाली आहे. जुने गुन्हेगार गब्बर/ कोट्यवधी/ अब्जाधीश झाले, त्यामुळे त्यांचे अनुकरणं करीत नव नवीन गुन्हेगार तयार होत राहिले, धंदयाचा कल, राजकीय वारं आणि सत्तेची हवा मिळाल्यामुळे अनेक जुन्या टोळ्यांतून नवीन टोळ्या निर्माण झालेल्या आहेत. परंतु गुन्हेगारी टोळ्या एवढ्या मोठ्या संख्येने पुण्यामुंबई सारख्या ठिकाणी किंवा मोठ्या शहरात कशा उभ्या राहिल्या याचाही विचार होणे आवश्यक आहे. राजकीय पक्षांना निवडणूका लढवायच्या असतात. निवडणूका जिंकण्यासाठी आजपर्यंत सर्वच राजकीय पक्षांनी गुन्हेगारांचा आणि गुन्हेगारी टोळ्यांचा वापर केला आहे व ते ह्यांचा वापर करीत आहेत. गुन्हेगार हे काही राजकीय पक्षाच्या कार्यकर्त्या...
गुन्हेगारांचे आर्थिक साम्राज्य –

गुन्हेगारांचे आर्थिक साम्राज्य –

पोलीस क्राइम
गुन्हेगारी मंडळी केवळ मटका, जुगार अड्डे, गुटखा तस्करी, अवैध विदेशी मद्याची तस्करी करतात हे खरे असले तरी त्यांचे अनेकही प्रताप आहेत. आजही राजकीय पक्षांच्या आशिर्वादाने पुण्या मुंबईतील कॉल सेंटर, मॉल, मोठ्या सोसायट्या, व्हीआयपी सोसायट्या, स्थानिक स्वराज्य संस्था, बँका, यामध्ये खाजगी सुरक्षा रक्षक, हाऊस किपिंग सारखी कामे तसेच मॉल व व्यावसायिक आस्थापनेतील स्क्रॅपचे टेंडरही याच गुन्हेगारी टोळ्यांना दिले आहे. आजकाल खाजगी फायनान्स करणार्‍या कंपन्या शेकडोंनी कार्यरत आहेत. पुण्यातही अनेक खाजगी फायनान्स कंपन्यांची कार्यालये आहेत. या खाजगी फायनान्स कंपन्या, दुचाकी वाहन खरेदी, तीन चाकी वाहन, टेम्पो, ट्रक खरेदी, घर जमिन खरेदीसाठी फायनान्स पुरविते. मात्र एखादा कर्जाचा हप्ता थकला तरी ह्याच कंपन्या दिवसात चार/पाच फोन करून कर्जदारांना धमकावित असतात. त्यांची वाहने ओढुन आणतात. टोळ्या घेवून कर्जदारांच्या घरी ...
मध्यवर्ती पुण्यातील हॉटेल प्यासा वर पोलीस उपायुक्त प्रियंका नारनवरे यांची धडक कारवाई, कित्येक तुर्रमखान आले आणि गेले… नारनवरे यांनी करून दाखविलेच…

मध्यवर्ती पुण्यातील हॉटेल प्यासा वर पोलीस उपायुक्त प्रियंका नारनवरे यांची धडक कारवाई, कित्येक तुर्रमखान आले आणि गेले… नारनवरे यांनी करून दाखविलेच…

पोलीस क्राइम
पुणे/दि/ प्रतिनिधी/मध्यवर्ती पुणे शहरातील हॉटेल प्यासावर कधीच कारवाई होऊ शकत नाही. ड्राय डे असो की लॉकडाऊन. कोणत्याही काळात प्यासा कधीच बंद नव्हतं. सदासर्वदा २४ बाय ७ प्यासा सुरूच होतं. पोलीस उपायुक्त परिमंडळ क्र. १ वर मागील ३० वर्षात अनेक तुर्रमखान आले आणि गेले, परंतु त्यांनी देखील प्यासावर कारवाई करण्याची हिंम्मत दाखविली नाही. प्यासा चा इतिहास, भुगोल, नागरीकशास्त्र त्याही पुढे राज्यशास्त्र आणि अर्थशास्त्राचा सर्वांनीच अभ्यास केला होता. परंतु हिंमत कुणामध्येच नव्हती. परंतु आर्यन लेडी प्रियंका नारनवरे यांनी कोणाचाही मुलहिजा न बाळगता प्यासावर कारवाई करून, मध्यवर्ती शहरातील गुन्हेगारी मोडीत काढली आहे. मध्यवर्ती पुण्यातील हॉटेल प्यासा मध्ये अवैध मद्य विक्री आणि हुक्का पार्लर चालविल्याबद्दल कारवाई करण्यात आली आहे. बुधवारी रात्री विशेष पथक तयार करून, पोलीस उपायुक्त प्रियंका नारनवरे यांनी धडक...
बाई… बाई… बाईऽऽऽ… डेक्कन पोलीसांना (अनाठाई) भलतीच घाईऽऽ, नको तिथं कारवाई… पाहिजे तिथं भलतीच आवई

बाई… बाई… बाईऽऽऽ… डेक्कन पोलीसांना (अनाठाई) भलतीच घाईऽऽ, नको तिथं कारवाई… पाहिजे तिथं भलतीच आवई

पोलीस क्राइम
डेक्कन…गुडलक चौक.. संभाजी पुतळा…एफसी रोड… भांडारकर आणि पोलीस स्टे ३६० डिग्रीरशियन, उज्बेकीस्तान, कजाकिस्तान, थायलंड, जम्मु, पंजाब, हरियाणा, युपी-एमपी आणि पुणंसगळा रगडापॅटीस आणि कोल्हापुरी मिळस झालीय बघ्घाऽऽऽ पुणे/दि/ प्रतिनिधी/पोलीस ऍक्टीव्ह कधी होतात, रिऍक्ट कधी होतात. पोलीसांचे वर्तन पॉझिटीव्ह आणि निगेटिव्ह होेते तरी कधी हा प्रश्‍न सर्वसामान्यांना पडला आहे. पोलीसांचे काम कायदा आणि सुव्यवस्था सांभाळणे एवढेच आहे. समरी पॉवर असली तरी न्यायदानाचे काम हे न्यायालयामार्फतच होत असते. कायदा सुव्यवस्था सांभाळत असतांना, कायदा आणि सुव्यवस्थेच्या नावाखाली स्वतःची वैयक्तिक दुकानदारी सुरू करण्याचा प्रकार गेल्या काही वर्षापासून खात्यात सुरू आहे. जिथं अर्थपुर्ण व्यवहार होतात, तिथं पोलीस एकाएकी ऍक्टीव्ह होत आहेत. परंतु न्यायासाठी जे पोलीस चौकीची पायरी चढतात त्यांना मात्र पोलीस रिऍक्ट होताना दिसत नाहीत. ...
हवाला प्रकरणांत १ कोटी २९ लाख जप्त, पंचनामा मात्र ९१ लाखांचा… बाकीची रक्कम गेली कुठे… पोलिस उपायुक्त परिमंडळ क्र. १ कार्यालयाचा असाही कारभार

हवाला प्रकरणांत १ कोटी २९ लाख जप्त, पंचनामा मात्र ९१ लाखांचा… बाकीची रक्कम गेली कुठे… पोलिस उपायुक्त परिमंडळ क्र. १ कार्यालयाचा असाही कारभार

पोलीस क्राइम
पुणे/दि/ प्रतिनिधी/पोलीस उपायुक्त परिमंडळ क्र. १ यांच्या नेतृत्वाखाली श्रीमंत दगडुशेठ गणपती जवळील तिरंगा बिल्डींग येथे आंगडीया अर्थात हवाला प्रकरणांतील कारवाई करण्यात आली. यामध्ये १ कोटी २९ लाख रुपये जप्त करण्यात आले परंतु प्रत्यक्षात ९१ लाख रुपयांचा पंचनामा केला असून, बाकीची रक्कम नेमकी गेली कुठे अशी चर्चा सध्या पोलीस उपायुक्त परिमंडळात सुरू आहे. याबाबतची तक्रार पोलीस आयुक्त कार्यालयापर्यंत गेली असल्याची माहिती मिळाली आहे. अगदी याच प्रकारची दुसरी कारवाई शनिवारवाडा फुटका बुरूजासमोर झाली आहे. परदेशी नामक व्यक्तीच्या जुगार क्लब वर पोलीस उपायुक्त परिमंडळ क्र. १ यांनी कारवाई केली. या ठिकाणी क्लबमध्ये येणार्‍या गिर्‍हाईकाच्या गाडीतून सुमारे अडीच लाखापेक्षा मोठी रक्कम जप्त करण्यात आली. परंतु त्याचा पंचनामा करण्यात आलेला नसून तेही प्रकरण अतिशय गंभिर स्वरूपाचे झाले आहे.दरम्यान पोलीस उपायुक्त पर...
फायनान्स कंपन्यांकडून कर्जदारांना धमक्या, कर्ज वसुलीसाठी घरी येऊन वसूली करणार असल्याचे दुरध्वनी,  कर्जवसुलीचे काम स्थानिक गुन्हेगारी टोळ्यांकडे?

फायनान्स कंपन्यांकडून कर्जदारांना धमक्या, कर्ज वसुलीसाठी घरी येऊन वसूली करणार असल्याचे दुरध्वनी, कर्जवसुलीचे काम स्थानिक गुन्हेगारी टोळ्यांकडे?

पोलीस क्राइम
पुणे/दि/ श्री नाथ/कोरोना महामारीमुळे मार्च पासून लॉकडाऊनची प्रक्रिया सुरू आहे. सर्व उद्योग व्यवसाय बंद आहेत. केंद्र व राज्य शासनाने टप्प्या-टप्याने अनलॉकडाऊनची प्रक्रिया सुरू केली असली तरी, कोरोना महामारीमुळे लाखो नागरीकांचे रोजगार गेले आहेत. त्यातच ऑटोरिक्षा सह घरगुती उपकरणे, पर्सनल लोन घेतलेल्या नागरीकांना खाजगी फायनान्स कंपन्यांकडून धमक्यांचे सत्र आजही सुरू आहे. कोरोना महामारीमुळे अनेकांचेरोजगार गेले असल्यामुळे कुटूंबाचा उदरनिर्वाह करणे जिकीरीचे झाले आहे. नागरीक आपआपल्या परीने कुटूंबाची गुजराण करण्याच्या प्रयत्नात आहेत. त्यातच ज्यांनी ऑटो रिक्षा, दुचाकी वाहने, तसेच खाजगी माल वाहतुकीसाठी टेम्पो सारखी वाहने फायनान्स कंपनीव्दारे खरेदी केली आहेत. तसेच ज्यांनी स्वतःचा व्यवसाय सुरू करण्यासाठी ५० हजार, लाखभर रुपयांचे कर्ज पर्सनल लोन केले आहे, त्यांना कर्जाचे हप्ते भरणे शक्य नाहीये.राज्य शास...
कोट्यवधी रुपयांचा बांधकाम घोटाळा लपविण्यासाठी पोलीसांनी, पुणे पालिका आयुक्तांकडे पाठविलेले पत्र गहाळ, बांधकाम झोन क्र. ७ च्या अभियंता आणि कर्मचार्‍यांची दिमाखदार कामगिरी

कोट्यवधी रुपयांचा बांधकाम घोटाळा लपविण्यासाठी पोलीसांनी, पुणे पालिका आयुक्तांकडे पाठविलेले पत्र गहाळ, बांधकाम झोन क्र. ७ च्या अभियंता आणि कर्मचार्‍यांची दिमाखदार कामगिरी

पोलीस क्राइम
पुणे/दि/ प्रतिनिधी/कोरोना महामारीचा कहर आणि मनपा कर्मचार्‍यांच्या उपद्रवामुळे, पुणे महानगरपालिका आर्थिक संकटात सापडली आहे. चार महिने लॉकडाऊन आणि चार महिने अनलॉकडाऊनच्या आठमाही सत्रात, शासन आणि महापालिकांचे दिवाळे निघाले आहे. आवश्यक तो महसुल प्राप्त होत नसल्यामुळे विकास कामांना निधी अपुरा पडत आहे. त्यामुळे आता शिमग्यापर्यंत थांबावे लागणार असले तरी, पुणे महापालिकेतील कर्मचार्‍यांच्या उपद्रवामुळे दिवाळीच्या तोंडावरच महापालिकेत शिमगा साजरा करण्याची वेळ आली आहे. पुणे महापालिकेला वेगवेगळ्या स्तरातून महसूल प्राप्त होतो. त्यापैकी बांधकाम विभागाकडून बर्‍यापैकी महसुल जमा होतो. बांधकाम विभागाने चालु वर्षात निच्चांकी उत्पन्न मिळवुुन महापालिकेला डबाघाईस आणण्यास मदत केली आहे. बांधकाम विभागाचा चुलत भावासारख्या टॅक्स विभागाने देखील अनेक योजना आणून देखील महसुल जमा करण्यात अपयशी ठरत आहेत.दरम्यान पुणे महा...