मिळकत करात 5 टक्के सवलत फुकटात पदारात पाडून घेण्यासाठी, बोगस खाजगी संस्थांच्या बनावट पत्रांमुळे पुणे महापालिकेचे बुडाले कोट्यवधी रुपये
नॅशनल फोरम/पुणे/दि/ अनिरूद्ध शालन चव्हाण/पुणे महानगरपालिकेच्या हद्दीत घरे, बंगले, सोसायट्यांनी त्यांच्याच आवारात सोलर, रेन वॉटर हार्वेस्टिंग व व्हर्मीकल्चर कंपोस्टींग प्रकल्प करणाऱ्यांना मिळकत करात सुट देण्यात येते. तीन पैकी दोन प्रकल्प राबविल्यास 10 टक्के व तीन पैकी एक प्रकल्प राबविल्यास सुमारे 5 टक्के सुट मिळकत करामध्ये दरवर्षी देण्यात येते. दरम्यान पुणे महापालिका हद्दीत काही बोगस खाजगी संस्था कम्युनिटी कंपोस्टींग करण्याच्या नावाखाली सोसायट्यांचा ओला कचरा गेट कलेक्शन करतात, तथापी पुढे हाच कचरा पुणे महापालिका यंत्रणेला देवून, पुणे महापालिकेची फसवणूक केली जात असल्याची गंभीर बाब समोर आली आहे. पुणे महापालिका हद्दीतील कचरा संकलन करणाऱ्या ज्या संस्था पॅनेलवर नाहीत व ज्या संस्थांकडून कम्युनिटी कंपोस्टींग करण्याच्या नावाखाली कचरा संकलन केले जाऊन, पुढे हाच कचरा पुणे महापालिका यंत्रणांना देऊन पुणे...
