भारती विद्यापीठ पोलीस स्टेशन हद्दीत पुन्हा सापडली बंदूक आणि जिवंत काडतुसे
नॅशनल फोरम/पुणे/दि/ प्रतिनिधी/भारती विद्यापीठ पोलीस स्टेशन हद्दीतील आंबेगाव बुद्रुक येथे एका विधी संघर्षित बालकाकडून 50 हजार रुपये किमतीचे गावठी बनावटीचे पिस्टल व दोन जिवंत काडतुसे जप्त करण्यात आली असून भारती विद्यापीठ पोलीस स्टेशन येथे त्याच्यावर गुन्हा दाखल करण्यात आलेला आहे.
भारती विद्यापीठ पोलीस स्टेशन हद्दीत मागील सहा महिन्यांमध्ये बहुतांश विधी संघर्षित बालकांकडून अग्निशस्त्र जप्त करण्यात आलेले आहेत. अग्नीशास्त्रासह अनेक जिवंत काडतुसे देखील जप्त करण्यात आलेले आहेत. भारती विद्यापीठ पोलीस स्टेशन हद्दीतच एवढ्या मोठ्या प्रमाणात अग्निशस्त्र व हत्यारे येतात तरी कुठून असा गहन प्रश्न आता समोर उभा ठाकला आहे.
भारती विद्यापीठ पोलीस स्टेशन कडील तपास अधिकारी, पोलीस उपनिरीक्षक निलेश मोकाशी व पोलीस अंमलदार हद्दीत पेट्रोलिंग करीत असताना, पोलिस अंमलदार नितेश चोरमले सागर बोरगे व अभिनय चौधरी यांना त...