सर्व साधारण

पुणे/दि/ अनिरूद्ध शालन चव्हाण/दरवर्षी डिसेंबर महिना उजडला की, पुणे शहर पोलीसांना बदलीचे वेध लागु लागतात. अमुकच एक पोलीस स्टेशन पाहिजे म्हणून पुण्यापासून मुंबईपर्यंत अनेकांच्या वार्‍या सुरू होतात. मंत्री आणि पुढार्‍यांच्या पायर्‍या झिजवु लागतात. थोडक्यात क्रिम पोलीस स्टेशन मिळावे म्हणून अनेकजन धडपड करीत असतात. आज तीच धडपड पुणे शहरातील बहुतांश सगळ्या पोलीस स्टेशनसहित गुन्हे युनिट व आयुक्तालयातील वेगवेगळ्या सेल मध्ये सुरू आहे. चौकातील कट्टयावर थांबुन माझे पोलीस स्टेशन फिक्स झाले, आता बघा फरासखान्याला आलोच म्हणून समजा… येरवड्यात आलोच म्हणून समजा… अशा गप्पा आता सुरू झाल्या आहेत. खरंच, पुण्या मुंबईच्या वार्‍या करून मनासारखे पोलीस स्टेशन मिळते काय, हा प्रश्‍न सर्वसामान्य पुणेकरांप्रमाणेच मलाही पडला आहे. पोलीस आयुक्त अमिताभ गुप्ता यांनीच आता या प्रश्‍नांची उत्तरे देणे संयुक्तिक ठरेल. बरीचे महिन...

पुणे/दि/प्रतिनिधी/पुणे महापालिकेतील नोंदणीकृत ठेकेदार आशय एंटरप्राईजेस यांनी प्रमुख स्मशानभूमीत विद्युत विषयक कामे न करताच सुमारे एक कोटी रुपयांची बनावट व बोगस बिले तयार करून ती मंजुरीसाठी पाठविण्यात आली होती. बनावट बिल प्रकरणी मागाहुन त्यांच्यावर शिवाजीनगर पोलीस ठाण्यात गुन्हा दाखल करण्यात आला असला तरी आशय एंटरप्राईजेस ही एकच संस्था नसुन पुण्यात अशा प्रकारच्या अनेक ठेकेदारांच्या टोळ्या कार्यरत आहेत. पुणे शहरातील धनकवडी सहकारनगर क्षेत्रिय कार्यालयाने देखील विद्युत विषयक कामे न करताच बीलांची अदायगी केल्या प्रकरणी गुन्हा दाखल करण्याची मागणी विविध सामाजिक संघटनांनी उपआयुक्त कार्यालयाकडे केली आहे. तसेच या भ्रष्टाचार व गैरव्यवहार प्रकरणी विद्युत विभागाचे कनिष्ठ अभियंता श्री. बोबडे व श्रीमती नाथी यांच्यावर देखील निलंबनाची कारवाई करण्याची मागणी करण्यात आली आहे. धनकवडी सहकारनगर क्षेत्रिय कार्या...

पुणे महापालिकेच्या बांधकाम विभागातील काळ्या पैशांना बिल्डरांची साथपुण्यातील महत्वाच्या पेठा, बाणेर, खराडी, वाकड, कोंढवा, मगरपट्टा, नांदेड आदि ठिकाणच्या बांधकामात नेमका कुणाचा पैसा लावण्यात आला आहे… मंजुर लेआऊट मधील ओपन स्पेस आणि ऍमिनिटी स्पेसवर धडाधड १० ते १२ मजल्याच्या इमारती उभ्या, पण कारवाईच्या नावाने शिमगा कशासाठी…. पुणे/दि/ प्रतिनिधी/पुण्यातील मागील दोन वर्षांपासून लॉकडाऊनचा संसर्ग अजून कमी झालेला नाही. लॉकडाऊन काळात संपूर्ण देशातील उद्योग धंदे बंदच होते. त्यामुळे साहजिकच मोठ्या उद्योगांवर अवलंबुन असलेले इतर उद्योग व्यापार पूर्णपणे ठप्प अवस्थेत होता. आता जनजीवन पूर्वपदावर येत आहे. परंतु बंद पडलेला धंदा कसा सुरू करायचा या विवंचनेत असलेल्या गरजू नागरीकांनी खाजगी सावकारांकडून व्याजाने पैसे घेवून आपला उद्योग व्यवसाय सुरू केला. परंतु नागरीकांच्या गरजेचा गैरफायदा घेवून, खाजगी सावकार अ...

पुणे/ दि/ अनिरूद्ध शालन चव्हाण/पुणे महापालिकेच्या सार्वत्रिक निवडणूक २०२२ लगतच्या काळात होणार आहेत. अशा परिस्थितीत क्षेत्रिय स्तरावर कामकाज सुरू झाले असल्याने स्थानिक माहितगार कर्मचारी यांची बदली केल्यास निवडणूक कामकाजामध्ये अडथळा निर्माण होण्याची शक्यता नाकारता येणार नाही. त्यामुळे अभियांत्रिकी संवर्गातील कोणत्याही कर्मचार्‍याची विहीत सेवाकालावधी पूर्ण होण्यापूर्वी बदली करण्याबाबत किंवा अतिरिक्त पदभार देण्याबाबत परस्पर निर्णय घेण्यात येऊ नयेत असे आदेश पुणे महापालिका आयुक्तांनी आज काढले आहेत. काय आहेत नेमके आदेश -पुणे महापालिका सभासद व खातेप्रमुख यांच्याकडून अभियांत्रिकी संवर्गातील विविध पदांवरील सेवकांची बदलीसाठी विहित सेवा कालावधी पूर्ण होण्यापूर्वी बदली करण्याबाबत किंवा अतिरिक्त पदभार देण्याबाबत खात्याची आवश्यकता विचारात न घेताच वारंवार प्रस्ताव सादर होत असल्याने बदलीबाबत आदेश देण्या...

उपायुक्त जयंत भोसेकरांकडून होत होती पाठराखण, अखेर गिते आणि परदेशी निलंबित….,रिपब्लिकन फेडरेशन महाराष्ट्रच्या पाठपुराव्याला यश पुणे/दि/ अनिरूद्ध शालन चव्हाण /धनकवडी सहकारनगर क्षेत्रिय कार्यालयाकडील निविदा कामात झालेल्या भ्रष्टाचार व गैरव्यवहार प्रकरणी रिपब्लिकन फेडरेशन महाराष्ट्र यांनी केलेल्या तक्रार अर्जांवर चौकशी होवून, अखेर शाखा अभियंता अजय परदेशी आणि कनिष्ठ अभियंता गणेश गिते यांना निलंबित करण्यात आले आहे. तसेच उपअभियंता कन्हैयालाल लाखनी यांची खातेनिहाय चौकशी करण्याचे आदेश पुणे महापालिकेचे अतिरिक्त आयुक्त रविंद्र बिनवडे यांनी दिले आहेत. धनकवडी सहकारनगर क्षेत्रिय कार्यालयाने माहे २०१९-२० व २०२०-२१ या दोन वर्षांच्या कालावधीत निविदा कामांमध्ये कमालिचा भ्रष्टाचार करण्यात आलेला होता. कामे न करताच बिलांची वसूली करण्यात येत होती. एका ठिकाणी कामाचे क्षेत्र दाखवुन दुसर्‍या ठिकाणी कामे ...

पुणे महापालिकेचं बांधकाम विभाग पुणेकरांच्या जीवावर उठलय…अबबऽऽ… दीड गुंठ्यावर ११ मजली इमारतधन्य ते पुणे महापालिकेचे बांधकाम विभाग… पुणे/दि/ अनिरूद्ध शालन चव्हाण/पुणे शहरातील जुने वाडे आणि अंतर्गत रस्त्यांची समस्या दिवसेंदिवस बिकट होत चालली आहे. लोकसंख्या वाढली परंतु अंतर्गत रस्त्यांची लांबी आणि रूंदी आहे तेवढीच आहे. त्यामुळे बांधकाम नियमानुसार रस्तारूंदी क्षेत्र सोडून बांधकामांना परवानगी देण्यात येत असली तरी, नियमानुसार कुणीही बांधकाम परवानगी घेत नाही. बांधकाम व्यावसायिक रस्तारूंदी क्षेत्र शून्य ठेवून अनाधिकृत बांधकामे करीत आहेत. मध्यवर्ती पुण्यातील रास्तापेठ व सोमवार पेठेत सध्या दर आठवड्याला एक स्लॅब पडत आहे, दिवस-रात्र बांधकामे केली जात आहेत. तरी देखील बांधकाम विभागातील अभियंते अनाधिकृत बांधकामांना अटकाव न करता बघ्याची भूमिका घेत आहेत. तक्रार अर्जांवर कोणतीही कार्यवाही केली जात नाही. स...

कनिष्ठ अभियंत्यांची बदली… हाकलपट्टी की प्रकरण दाबुन टाकण्यासाठी करण्यात आलेले नाटक….. पुणे/दि/ अनिरूद्ध शालन चव्हाण/माहितीच्या अधिकारात अपिल सुनावणी सुरू असतांना, कनिष्ठ अभियंत्यांच्या पत्नीने प्रथम अपिल सुनावणीत अर्जदाराला धक्का मारल्याचा बहाणा करून, त्यांना शासकीय कार्यालयात गलिच्छ शिवीगाळ करून चल इथून निघुन जा म्हटल्याचे प्रकरण संपूर्ण महाराष्ट्रात गाजले आहे. पतीचा भ्रष्टाचार लपविण्यासाठी पत्नीने पुणे महापालिकेत राडा घातल्याने सगळीकडे आश्‍चर्य व्यक्त केले जात आहे. याबाबत अर्जदार श्री. दीक्षित यांनी शासकीय कामात अडथळा आणल्याप्रकरणी गुन्हा दाखल करण्याची मागणी पुणे महापालिकेकडे करण्यात आलेली असतांना, आज एक आठवडा उलटून गेला तरी कनिष्ठ अभियंत्याच्या बदलीखेरीज कोणतीही कार्यवाही झाली नसल्याने, पत्नीचे राडा प्रकरण दाबुन टाकण्याचे प्रयत्न होत असल्याचे दिसून येत आहे. रामचंद्र शिंदे यांची बदली ...

दिक्षित लिफ्टने चौथ्या मजल्यावर गेले, मग जिन्यात धक्का दिला तरी कसा… पुणे/दि/ अनिरूद्ध शालन चव्हाण/पुणे महानगरपालिकेच्या बांधकाम विकास विभाग झोन क्र. ७ च्या कार्यालयात सुमारे २०० कोटी रुपयांपेक्षा मोठा गैरव्यवहार झाला असल्याची तक्रार अनेक सामाजिक कार्यकर्ते व माहिती अधिकार कार्यकर्त्यांनी महापालिका आयुक्त व शहर अभियंता यांनी केलेली आहे. तसेच अजुनही पुण्यातील पेठांमध्ये सुरू असलेल्या गैरव्यवहारांची माहिती घेत असतांना, माहिती अधिकारात अर्ज करू नये यासाठी अर्जदारांना बांधकाम व्यावसायिकांच्या गुंडाकरवी धमकाविले जात आहे, जिवे मारण्याची धमकी दिली जात आहे, कनिष्ठ अभियंता रामचंद्र शिंदे यांच्याकडून गुन्हा दाखल करण्याची धमकी दिली जात आहे. तथापी अशाही परिस्थितीत सामाजिक कार्यकर्ते काम करीत असतांना आता त्यांच्या अंगावर तृतीयपंथी व महिलांना पाठवुन त्यांना बदनाम करण्याचा प्रयत्न होत आहे. त्यामुळे बा...

पुणे/दि/ प्रतिनिधी/बिबवेवाडी कोंढवा रस्त्यावरील गंगाधाम चौकातील सॉलिएटर गृहप्रकल्पालगत असलेले पुणे महापालिकेचे सार्वजनिक शौचालय बांधकाम व्यावसायिक, पुणे महापालिकेतील अधिकारी आणि नगरसेवकांच्या संगनमताने जमिनदोस्त करण्यात आले आहे. सार्वजनिक शौचालयासाठी नगरसेविका मानसी देशपांडे व सुनिल कांबळे यांच्या २०१५-१६ मधील नगरसेवक निधीतून तरतुद करण्यात आली होती. पुणेकर नागरीक दिवाळीच्या लक्ष्मीपुजनाच्या लगबगीत असतांनाच बुधवार दि. ३ नोव्हेंबर रोजी मध्यरात्री १२.३० वाजण्याच्या सुमारास हा प्रकार घडला आहे. गंगाधाम चौकात मोठ मोठे गृहप्रकल्प व व्यावसायिक प्रकल्प उभे राहत आहेत. त्यामुळे पुणे महापालिकेचे सार्वजनिक शौचालयाचा त्रास या बांधकाम व्यावसायिकांना होत होता. सार्वजनिक शौचालय असल्यामुळे भाव मिळत नसल्यामुळे पुणे महापालिकेतील अधिकारी/ कर्मचारी, बांधकाम व्यावासयिक व नगरसेवकांनी पुणे महापालिकेच्या मालकीची...

पुणे/दि/ प्रतिनिधी/टू आणि फ्रॉम नेमकं कुणाला करावं, टिपण कसे घ्यावेत, पत्रलेखन कसे करावे, कनिष्ठ वा वरीष्ठ अधिकार्‍यांना पत्रव्यवहार करतांना कोणत्या आदरयुक्त शब्दांनी पत्रव्यवहार करावा यासहित लिपिक संवर्गाचे काम सुरू असते. परंतु हाच कनिष्ठ लिपिक आणि वरिष्ठ लिपिक आजही पदोन्नतीच्या वाटेवर गेल्या दशकभर पुणे महापालिकेतील अधिकार्‍यांच्या दयामर्जीची वाट पाहत बसला आहे. परंतु पदोन्नतीचा नियत कालावधी उलटून दीडपट कालावधी उलटून गेला असतांना देखील पुणे महापालिकेत पदोन्नतीचा निर्णय होतांना दिसत नाहीये. लिपिक संवर्ग हा तसा दुर्लक्षिलेला इसम म्हणून ओळखला जातो. नागरीकांशी थेट संबंध येत असल्यामुळे तर दर दिवसाला शंभरऐक शिव्याशाप त्यांनाच नियमित सहन कराव्यात लागत आहेत. त्यामुळे पुणे महापालिकेतील कनिष्ठ लिपिकांची नियमित भरतीसह पदोन्नतीचे आदेश तातडीने काढण्याची मागणी होत आहे. लिपिक संवर्ग हा प्रशासनाचा उजवा...