मी आहे साहेबांचा माणूस, डूल्या जवळ ये, नाहीतर तूला तिथं येवून डोलाय लावेन….
पुणे/दि/ अनिरूद्ध शालन चव्हाण/
केंद्र शासनाकडून दिल्या जाणाऱ्या पुरस्कारासाठी खोटी माहिती देवून, पुणे शहर पोलीस खात्याची प्रतिमा मलिन केल्या प्रकरणी निलंबित असलेल्या पोलीस कर्मचाऱ्याकडून जेलवारी करून आल्यानंतर, सध्या अतिरिक्त पोलीस आयुक्तांच्या हद्दीत धुडगूस घालत
असल्याची प्रकरणे सातत्याने बाहेर येत आहेत. मीच साहेबांचा खजिनदार असून, साहेबांनी माझीच नियुक्ती केली आहे. सगळं ठरल्याप्रमाणे घेवून डूल्या मारूती जवळ ये, नाहीतर तूला तुझ्या धंद्यावर येवून, गुडघ्यावर बसून डोलाय लावेन अशी धमकी दिली जात आहे.
त्यातच अतिरिक्त पोलीस आयुक्त कार्यालयातील दोन तीन टाळकी सर्व धंदयावर फिरत असून, आम्हीच डहाळे साहेबांचे काम पाहतो, त्यामुळे आमच्याकडेच दया, आणि ही खबर कुणालाही देवू नका असेही आवर्जून सांगत आहेत. त्यामुळे अतिरिक्त पोलीस आयुक्त
दक्षिण विभागाचे खजिनदार म्हणून नेमकी कुणाची नियुक्ती केली आहे याच बुचकळ्यात सध्या पोलीस आणि धंदेवाईक मंडळी पडलेली आहेत.
पुणे शहर पोलीस आयुक्तांतर्गत असलेले अपर पोलीस आयुक्त दक्षिण विभाग यांच्या हद्दीत 18 पोलीस स्टेशन कार्यरत आहेत. सर्वच्या सर्व 18 पोलीस स्टेशन हद्दीत सध्या अवैध धंदेचालकांची मोठी चलती आहे. जुगार, लॉटरी, मटका, क्लब पासून ते गुटखा - गांजा सारख्या अंमलीपदार्थापासून ते एमडी पर्यंत सगळं खपवलं जात आहे. देशी विदेशी मदयाची तस्करीने तर जोर धरला आहे. पण कुठंही त्याची वाच्चता नाही. ते भी चूप और मेरी भी चूप अशी सध्या पुणे शहरातील परिस्थिती आहे. परंतु सगळीकडे सगळेच सुरू
- आहे.
- मध्यंतरी एका पोलीस स्टेशमध्ये साहेबांनी एका अंमलदाराचे खजिनदार पद काढुन घेतले होते. परंतु दुसऱ्याने खजिनदार पदाचा पदभार घेतल्यानंतर, पहिल्याने पोलीस स्टेशनमध्ये साहेबा समोरच कांगावा केला होता. त्या ठणठणाटाचा आवाज आयुक्तालयापर्यंत
पाहोचला. शेवटी पोलीस निरीक्षकांची बदली त्याचे पर्यावसन झाले. थोडक्यात तुला ना मला घाल….. ला अशी अवस्था झाली होती.
पुणे शहर पोलीस आयुक्तालयातील अपर पोलीस आयुक्त दक्षिण विभागातील आवाज देखील डी.जे. लावल्या सारखा बाहेर येत आहे. त्यातच डूल्या मारूती आणि तिथला ज्यूस बार तेजित आला आहे. सगळे व्यापार महर्षि याच चौकात येवून वेगवेगळ्या
ज्यूसचा स्वाद घेत आहेत. परंतु कुजबुज एकच सुरू आहे, साहेबांनी ह्याचीच निवड कशी केली, हा खरा आहे की खोटा….. याच संभ्रमात व्यापार महर्षि अडकुन पडले आहेत. एका निलंबित पोलीसाला काम देण्याची एवढी तसदी साहेबांनी का घेतली, इतर पोलीस
वसुलीच्या कामात एवढे टूकार आहेत काय… अशीही सध्या कुजबूज सुरू आहे. परंतु साहेबांची आपल्यावर कृपादृष्टी रहावी म्हणून बऱ्या बोलाने सगळे व्यापार महर्षि डूल्या मारूती जवळ येवून दर्शन घेवून मोठ्या साहेबांची दक्षिणा देत आहेत.
दरम्यान अपर पोलीस आयुक्त दक्षिण विभाग इथले खजिनदार पदासाठी इतर अनेकजण इच्छुक असल्याचे सांगितले जात आहे. राजेशाही चंदन वृक्षाची डहाळी कुणाच्याही हाताला लागत नाहीये. सगळे आप आपल्या परिने ताकद लावत आहेत. परंतु साहेब
कुणाकडेही ढुंकूनही पाहत नाहीयेत. थोडक्यात डूल्या मारूती जवळ थांबणाऱ्यालाच साहेबांनी खजिनदार पद दिलं आहे असं दिसून येत आहे. आता डी. जे. तर लागला आहे. पाहुयात… आवाजऽऽऽ…. गजेंद्रांच्या कानापर्यंत जातोय की नाही….
अगंऽऽ बा-बोवऽऽ…. फरासखाना पोलीस हद्दीतही भलताच धुमाकूळ….
सध्या अपर पोलीस आयुक्त दक्षिण विभागातील खजिनदार पदाचा डी.जे. दणा दणा वाजत आहे. बिर्याणीचा बसलेला चटका आणि त्यातून झालेल्या जखमा अजुन भरलेल्या नसतांना, फरासखाना पोलीस स्टेशन हद्दीतील मटका-काठी-क्लब आणि गांजाचा धुर
पोलीस आयुक्तालयापर्यंत पाहोचला तरी, अद्याप पर्यंत वास कुणालाही आला नसल्याचे दिसून येत आहे. पापाचा बांग्लोदशी डान्स आणि सोबतीला टेरेसवरील काठी…. रात के बारा के बाद ….. रट्टावुन वाजत आहे. कुमारांचा दगडू, तांबट आळीतील निजामशाही आणि
गुरूवारातील दगडी नागोबा दिवस रात्र डोलत आहेत. …..** बसप्पाचा अप्पा, मारतोय… मोठ मोठ्या गप्पा – रात्रौ बारा नंतर तोडतोय काठीने अंब्बा…. समर्थचा अप्पा….**
खडकचे तडाष्टक… नंदूचा पराठा- अमूलचे बटर- अन्‌ ढावरेचा बडे का खिमा… वाह… ताजऽऽ नगरी माव्याचा नाशिक ढोलीबाजा….
वाचकहो... थोडं हप्ताभर थांबा.... वृत्तपत्रातील सगळी जागा एकाच विषयावर वाहता येत नाही. जागेची अडचण समजुन घ्या. सगळ्यांना समजलेली गुप्तवार्ता पुढील अंकात पाहूयात...