नॅशनल फोरम/पुणे/दि/
आज बरोबर एक वर्षापूर्वी म्हणजे 22जुलै 2024 रोजी मोदी पेट्रोलपंप जवळ, मंगळवार पेठ, पुणे येथून फिर्यादी हे रोडने जात असताना पुर्वी झालेल्या भांडणाचा राग मनात धरून 08 ते 09 इसमांनी मिळून धारधार हत्याराने वार करून जिवे ठार मारण्याचा प्रयत्न केला होता. त्यामध्ये फिर्यादी यांचा डावा हात मनगटापासून वेगळा झाला होता. ह्या गुन्ह्याची नोंद फरासखाना पोलीस स्टेशन येथे गु.र.नं.149/2024. भा. न्या.सं. कलम 109, 189(2), 189 (4), 191 (2). 191 (3). 190. 126 (2), 352.351 (3),115(2), आर्म ॲक्ट कलम 3(25) 4(25) महा पो कायदा कलम 37 (1) (3) सह 135 क्रिमीनल लॉ ॲमेंडमेंट ॲक्ट कलम 7 महा संघटीत गुन्हेगारी अधिनियम सन 1999 चे कलम 3 (1) 3 (2), 3 (4) अन्वये गुन्हा दाखल करण्यात आला होता.दरम्यान यापुर्वी सदर गुन्ह्यात एकुण 6 आरोपींना अटक करण्यात आली होती. विधीसंघर्षित बालक एक वर्षापासून फरार होता.
दरम्यान युनिट-1 कडील पोलीस अधिकारी व पोलीस अंमलदार मोक्यामधील पाहीजे व फरार आरोपींचा माग काढीत असताना पोलीस अंमलदार निलेश सावळे व शुभम देसाई यांना त्यांचे बातमीदारामार्फत बातमी मिळाली की संदर्भीय गुन्ह्यातील पाहीजे विधीसंघर्षित बालक हा आयना-खाकसार मशिद जवळ नानापेठ, पुणे येथे त्याचे मित्रास भेटण्यास येणार आहे. अशी माहिती मिळताच त्यास पुढील कार्यवाहीसाठी ताब्यात घेणेबाबत मा. वरिष्ठांनी आदेशीत केले.
त्यानुसार गुन्हे शाखा, युनिट-1कडील पोलीस अधिकारी व अंमलदार यांनी आयना-खाकसार मशिद जवळ, नानापेठ, पुणे या ठिकाणी सापळा रचुन विधिसंघर्षित बालकास दिनांक 22/07/2024 रोजी ताब्यात घेऊन त्यास विश्वासात घेवून दाखल गुन्ह्याचे अनुषंगाने चौकशी करता, त्याने दाखल गुन्हा त्याचे साथीदारांच्या मदतीने केल्याची कबुल दिली. गुन्हे युनिट 1 यांनी पुढील कार्यवाहीसाठी फरासखाना पोलीस स्टेशनचे ताब्यात दिले आहे.
ही कामगिरी पोलीस आयुक्त, पुणे शहर, श्री अमितेश कुमार, सह पोलीस आयुक्त, पुणे शहर, श्री रंजनकुमार शर्मा, अपर पोलीस आयुक्त, गुन्हे, श्री पंकज देशमुख, पोलीस उप-आयुक्त, गुन्हे, पुणे शहर श्री निखील पिंगळे, मा. सहाय्यक पोलीस आयुक्त, गुन्हे-1, पुणे शहर श्री राजेंद्र मुळीक, यांच्या मार्गदर्शनाखाली वरिष्ठ पोलीस निरीक्षक कुमार घाडगे, सपोनिरी दिपक बर्गे, सपोफौ विनोद शिंदे, पोलीस अंमलदार निलेश साबळे, शुभम देसाई यांचे पथकाने केली आहे