गावठी कट्टा आणि एक जिवंत काडतुसासह बालगुन्हेगारास भारती विद्यापीठ पोलीसांनी केले जेरबंद
नॅशनल फोरम/पुणे/दि/ प्रतिनिधी/पुणे शहरात दिवसेंदिवस कमरेला बंदुक लावण्याची हौस अनेकांना होत आहे. त्यातल्या त्यात नवशिक्या गुन्हेगारांना तर कट्टा बाळगण्याची हौस तर अधिकच वाढली असल्याचे पोलीस अटक सत्रावरून दिसून येत आहे. पुणे शहर पोलीस आयुक्तालयाच्या हद्दीतील अनेक पोलीस स्टेशन हद्दीत एक/दोन सराईत गुन्हेगारांकडून, हौशी आणि त्यातल्या त्यात नवशिक्या गुन्हेगाराकडून गावठी बनावटीचा कट्टा आणि जिवंत राऊंड पकल्याच्या अनेक घटना समोर येत आहे. भारती विद्यापीठ पोलीस स्टेशन हद्दीत देखील एका सराईत विधीसंघर्षित बालकाकडून अवैध गावठी बनावटीचा कट्टा आणि जिवंत राऊंड हस्तगत करून त्याला अटक केल्याचा गुन्हा दाखल झाला आहे.
भारती विद्यापीठ पोलीस स्टेशनचे वरिष्ठ पोलीस निरीक्षक श्री. राहुलकुमार खिलारे यांचे मार्गदर्शनाखाली तपास पथकाचे अधिकारी पोलीस उप-निरीक्षक निलेश मोकाशी व पोलीस स्टाफ हे हद्दीत पेट्रोलींग करीत अ...