ई-सिगारेट व तंबाखुजन्य हुक्का फ्लेवर विरूद्ध पुण्यात सहा ठिकाणी छापा कारवाई, साडेआठ लाखांचा मुद्देमाल जप्त

नॅशनल फोरम/पुणे/दि/ प्रतिनिधी/
पुणे शहरात प्रतिबंधीत ई- सिगारेट (वेप) आणि तवांखुजन्य हुक्का फ्लेवर याचा साठा करून अवैध विक्री करणाऱ्या दुकानदारावर गुन्हे शाखेच्या अंमली पदार्थ विरोधी पथकाने धडक कारवाई केली आहे. यात लष्कर पोलीस स्टेशन व कोरेगाव पार्क पोलीस स्टेशन यांच्या हद्दीतून ई सिगारेट तसेच कोथरूड पोलीस स्टेशन व लष्कर पोलीस स्टेशन हद्दीतून तंबाखुजन्य हुक्का फ्लेवर असा एकुण 8 लाख 32 हजार रुपयांचा मुद्देमाल जप्त करण्यात आलेला असून आरोपींना चौकशीकामी संबंधित पोलीस स्टेशनच्या ताब्यात देण्यात आले आहे.

गुन्ह्याची हकीकत अशी की, अंमली पदार्थ विरोधी पथकाकडुन पुणे शहरात इलेक्ट्रॉनिक सिगारेट उत्पादन आयात निर्यात वाहतुक विक्री साठवणुक व जाहिरात प्रतिबंध अधिनियम 2019 ची अंमलबजावणी करीत असतांना, लष्कर पोलीस स्टेशन व कोरेगांवपार्क पोलीस स्टेशन येथे कलम 7 च 8 प्रमाणे एकुण 03 गुन्हे दाखल करण्यात आले आहेत. तसेच कोथरुड पोलीस स्टेशन आणि लष्कर पोलीस स्टेशन येथे प्रतिबंधीत अवैध रित्या तबांखुजन्य हुक्का फ्लेवर विक्री करणा-या दुकानदारावर एकुण 03 खटले दाखल करण्यात आले असून सदर कारवाई मध्ये 8,32,960/-रु किमतीचे 297 ई- सिगारेट (वेप), तसेच 895 तवांखुजन्य हुक्का फ्लेवर जप्त करण्यात आले असून आरोपी 1) हुसेन अब्दुल रहेमान वय 25 वर्षे रा. लेन नं 6 कोरेगाव पार्क पुणे 2) हसन शेख वय 42 रा एम जी रोड कॅम्प पुणे 3) अब्दुल इस्माईल जाबीर वय 28 रा. मोलोदिना रोड, कॅम्प पुणे  यांना कारवाई कामी संबंधीत पोलीस स्टेशनच्या ताब्यात देण्यात आलेले आहे.


ही कामगिरी, अपर पोलीस आयुक्त, गुन्हे शाखेचे पकंज देशमुख, पोलीस उप आयुक्त, गुन्हे शाखेचे निखील पिंगळे, सहा पोलीस आयुक्त, गुन्हे शाखा2 राजेंद्र गुळीक यांच्या मार्गदर्शनाखाली व सुचनेनुसार पोलीस निरीक्षक सुदर्शन गायकवाड, पोलीस निरीक्षक प्रशांत अन्नछत्रे, राहा. पोलीस निरीक्षक नितीनकुमार नाईक, अनिल सुरवसे, पोलीस उप निरीक्षक अस्मिता लाड, व पोलीस अंमलदार, राजस शेख, संदिप जाधव, पृथ्वीराज पांडुळे, सुनिल महाडीक, गणेश गोसावी, अमोल जगताप, संदिप देवकाते, देविदास वांढरे, दिनेश बास्टेवाड, महेश बोराडे, शुभांगी म्हाळसेकर यांनी केली.